اولا : لما يطلب منك حاجة تعمليها او انك مثلا تبعدى عن واحده صاحبتك هو
مش مرتاحلها او ماتتكلميش مع فلان عشان طريقته مش مظبوطه اعملى نفسك عبيطه
واعملى انك مش فاهمه ومش واخده بالك من كلامه ولا عارفه هو يقصد ايه
واقعدى اطولى فى الحوار واسأليه اكتر هو ليه بيطلب ده بمعنى اصح (اخنقيه).
ثانيا : لما يطلب منك مثلا تعدلى من طريقه لبسك شويه او ان لبسك ضيق
او مكشوف اقصدى لما تكونى رايحه تقابليه تلبسى كده وانتى قاعده معاه ولما
يسألك بنرفزة : انا مش قايلك ماتلبسيش كده
قوليله بكل براءه انا قاصده البس كده عشان بحبك تشوفنى كده ياحبيبى
انا بلبس اللبس ده لما اكون جايه اشوفك بس وبحبك تشوفنى حلوة على طوول كده
ثالثا: لو كنتى بتتكلمى معاه فى التليفون ولقيتيه قالب المكالمه جو
رومانسى وعمال يحب فيكى وعايزه تحرقى دمه كل شويه قاطعيه وقوليله لحظه
ياحبيبى هااروح اشوف ماما عايزه ايه وارجعى كلميه واول ماينسجم تانى
قاطعيه وقوليله اختى عايزانى افهمها حاجة فى المذاكره لحظه وراجعالك
وألطعيه على الهولد سنه وفى الأخر ارجعيله وقولى انا اسفه حبيبى لازم اقفل
عشان بابا عايز التليفون
رابعا: كفايه كده بقى و فكروا انتوا كفايه اللى انا قلته وبعدين انتوا مش هاتغلبوا يعنى