لماذا اخطاء الشباب طيش واخطاء البنات جريمه لا تغتفر

السلام عليكم ورحمة الله وبركاته

حتى في ارتكاب الأخطاء !!. نجد ان المجتمع يفّرق بين الشاب والفتاة .

فإذا ما تم ضبط شاب

وفتاة في وضع مخل أو وضع غير ذلك في مكان خاص او عام .

نرى الشباب يحصل على البراءة في فترة

وجيزة , ويتغاضى المجتمع عن أخطئه ويتناساه .

ونرى الشاب يواصل حياته وكأن شيئا لم يكن .

على الجانب الأخر ,يتعامل المجتمع مع البنت المخطئة على أنها

مجرمة , أو منحرفة , فهي أخطأت في حق

نفسها ,أسرتها ومجتمعها , ونجد الكل في حالة ترقب للنيل منها .

والحكم عليها بالإعدام , وتصبح منبوذة طيلة

حياتها , حتى فرصتها في الزواج تقل وقد تنعدم بعد أن تسقط من حسابات أي شاب يرغب يسعى الزواج .

وانا لااعني بكلامي هذا ان يتغااضى الانسان عن اخطاء

البشر سواء كان شاب او فتاه ولكن يجب ان يعطى الانسان فرصه اخرى بحياته ولكني اعني بالرحمه والرفق بالفتاه

فان كان الله وهو خالق كل شي وفوق كل شي جل وعلا يرضى ويغفر للكافر الذي عمل وعمل مايحلو له من ذنوب بعد توبته .....

فنحن البشر لانستطيع ان نصفح ونجدد البسمه في حياة ناس ماتو وهم احياااء!!!

فهل من العدل تحتمل الفتاه - وحدها - هذا الوزر,وتدفع الثمن خطئها طوال عمرها .............................؟؟؟

وهل نطلق العنان للشاب لكي يجرب .

لكي يخطئ بحجة "الطيش " والنزوات ....؟ و ما هي مسئولية المجتمع

ملاحظـة(المـوضوع لنقاش الجاد يعني كل الناس تشارك عشان نشوف ارائكم)

اتمنى من الجميع المشاركه لارائهم

عندك حق يا ميمو و المشكله
ان كل الناس بيقولوا احنا فى مجتمع شرقى و هو المجتمع الشرقى اصلا ايه هو
المجتمع الشرقى هو اللى بيحترم الانثى و بيديها حقوقها بس فى المقابل انها تكون محترمه
و كمان بيحافظ على سمعتها و بيحترم الراجل بردو و بيديلوا كل حقوقه و فى مقابل اكبر بقى انه يحافظ على سمعة الانثى الشرقيه انه يحترمها و يقدرها و ميحاولش باى طريقه انه يجرحها و يمسها باى حاجه
بس الناس دلوقتى معتقدين ان المجتمع الشرقى ان الست تقعد فى البيت و بس هى دى شغلتها و لو عملت اى حاجه غلط تبقى اجرمت و الولد لو عمل حاجه غلط يقولوا ده ولد و مش هيسئ لسمعتنا فى اى حاجه و البنت يقولوا لا ازاى و جابتلنا العار يعنى هو الولد على راسه ريشه يعنى ولا ايه مهو عمل نفس الغلط
و هى دى التفرقه العنصريه و للاسف هى منتشرة بصورة رهيبه خصوصا فى مصر
شكرا يا ميمو اوى على الموضوع و بجد الموضوع مهم اوى

انا معاكى يا انجيل فى كل كلمة انتى قولتيها
وفعلا احنا بنعانى من الموضوع دة فى بلدانا ان احنا مش مدين المراة حقها وديما ظلمنها
ودة اكيد بيرجع باثر سلبى عليها وبتحس ان هى ملهاش رغبة فى الحياة لان كل اللى حوليها كارهنها وبيعملوها بقسوة
وخصوصا لما يكون بيعملوا الولد بعد كدة عادى بجد بتحس بقهر وظلم من الى حوليها وبتفقد الثقة فيهم تماما
فاحنا بجد لازم نقلل من الموضوع دة شوية ان احنا منعملش البنت بطريقة والولد بطريقة
انا مش بقول ميتعقبوش بس ميبقاش فى تفرقة بينهم علشان مفيش طرف يكرة التانى
وشكرا اوى اوى اوى ليك يا ميمو بجد الموضوع فى غاية الاهمية
وياريت بس نعمل بيه مش يبقى كلام بنكتبة بنعبر بية بس
وشكرا ليك مرة تانية على الموضوع الجميل دة

اولا اشكرك يا ميمووو على الموضوع الرائع دا
بجد انا بعانى جدا من الموضوع دا بطريقة فظيعه
ان هنا فى مصر مش معترفين ان الولد زى البنت دا بالعكس كل لما نقابل حد او اخويا او اى ولد يقولى دا كل الناس بتحترمكوا
ربنا مكرمكوا عننا اه فعلا ربنا مكرمنا بس مش عليكم كلنا سواسيه اما هنا فى مصر بيتكلموا وخلاص يقولوا احنا مفضلنكوا وعملينكوا وكلام كتير كدا وهما ولا بيعملوا حاجة اى بنت بتغلط تبقى فعلا مجرمة ولازم يموتوها
اما الولاد يقولوا دا ولد مفيهاش حاجة لما يغلط براحتوا يمشى مع بنات كويس اهى خبرة فى الحياه
اما احنا دا لو كلمنا ولد حتى فى التليفون من غير منشوفة بقيت جريمة وحرمان من حاجات كتير اووى
مرة تانيه ميرسى ليك يا ميمو على الموضوع الاكثر من رائع دا وميرسى ليكى يا عاشقة انتى وانجل على الرد الجميل دا وانا رائى من رايكم بالظبط

معلش يا جماعه اعذرونى عشان هوجع دماغكم تانى
بس يا نور انتى اعتقد يعنى انك شايفه الموضوع بطريقه تانيه
انتى بتقولى حتى لو كلمنا ولد فى التليفون من غير مانشوفه و هى دى حاجه صح اصلا
ما كده يبقى عندهم حق فى اللى هيعملوه احنا بنقول
ان البنت لما تغلط زى الولد هما الاتنين يتعاقبوا نفس العقاب
يا ريت تكونى فهمتينى

انا فهماكى والله يا انجل انا بقول مثال يعنى لو الولد كلم بنت فى التليفون بيقولوا عادى
اما البنت بيقولوا لا غلط هو اه طبعا غلط بس فى تفرقة
بين البنات والصبيان يعنى المفروض العقاب يبقى زى بعض
ميرسى ليكى يا انجل على ردك

شكرا يا أنجيل و عاشقة و نور,,,,,,,,,,,,,فعلا يا انجيل رأيك جميل شكرا بجد rew