المفتش كرومبو!!

النهاردة حصلت حاجه كوميدى خالص
سعاد إشترت 2 كيلو برتقال أبو صرة علشان عندها
شوية برد
ولما وصلت بيهم لباب العمارة إفتكرت إنها نسيت تشترى نص كيلو لبن علشان ولاده اختها زياد ومازن
وكان واقف أمام باب العمارة على الرصيف التاني 3

الأول : هيثم اللى كان وايقف بيسمع فى الام بى سري اغنية ريمكس
الثاني : هوحسنين اللى كان واقف بيتفرج على بوسترات لوائل جسار
والثالث : وهو ديدو واللى كان بيشرب عصير قصب فى
المحل الى قدام العماره

فسابت سعاد كيس البرتقال جمب باب العمارة
ورجعت عشان تشترى لبن
ولما إشترت اللبن ورجعت ملقتش كيس البرتقال
ولما سألت التلاته إذا كان حد فيهم شاف كيس البرتقال بتاع سعاد قالوا ..

هيثم : أف ..بجد حاجه موش ممكن كيس برتقال ايه وبتاع ايه ..يعنى ينفع كده تخرجني من المود بتاع الاغنية ..بجد حاجه لا تطاق ..ال برتقال ال .
حسنين : هع هع.. برتقال ايه اللى انتى جايه تقولى عليه وواجعة دماغنا علشان شوية 2 كيلو برتقال ابو صرة .. لو لاقيتيه هاتى واحدة.. هع هع.
ديدو: لا انا مشفتش اى أكياس برتقال خالص انا واقف بشرب العصير حتى لسه مخلصتهوش .. تاخدى شوية .

سعاد
معرفتش مين اللى سرق كيس البرتقال

بس أنا عرفت

لو انت كمان عرفت

اتصل على الرقم ده

زيرو اربع اصفار صفرين

او حط رد

وإبقى قابلنى لو كسبت حاجه ..

وابقوا قبلونى فى الحلقه الى جايه.....

يتبع

حسنين اللي سرق كيس البرتقال

حسنين لانوا عارف انهم اتنين كيلو وكمان برتقال ابو صرة وبعدين هما بيحنسونا ولا ايه كانوا يقولوا اى فاكهة غير البرتقال ولا علشان البرتقال خلص يعنى بيغظونا

برافو يا جماعه هو حسنين فعلا و زى ما قالت نور ازاى عرف انه ابو صرة

======================

وســــــــــــــــــــــــــــــــــــــــــــع

الحلقه التانيه وصلت

اهلا بكم فى حلقة انهاردة

انهاردة حصلت حاجة غريبة اوى

في يوم و انا على العشاق اتصلت بيا
كاتو يوكا
و قالت:

انا كنت بتابع المنتدى و الشغل عشرة على عشرة انتى عارفه اليومين اللى قبل العيد(عيد الحب) الشغل بيبقى خفيف و قلت اقوم اعمل كوباية شاى يا دوبك انا رجعت لقيت المواضيع القديمة كلها اتنشتط ونزلت مواضيع جديدة و معرفتش مين العضوةاللى عملت كدة اصلها كانت داخلة باسم عضوة مجهولة ارجوك اعرفلي مين العضوة دى علشان اديلها حظر قصدى اديلها وسام.

انا بقى قولتلها ولان طبعاً الى يعمل العملة ديه لازم يكون بيفهم في النت كويس و عنده اشتراك نت سريع جداً المشرف شك في 3 اعضاء اللى هما عاشقه عضو اساسي في المنتدى كوتا كيمو عضو نشيط جدااا فى كل الاقسام و ميما

انا بصراحة احترت بس لما سالتهم ردوا عليا و قالوا ....

عاشقه:-- انا يا فندم عضو اساسي و استحالة اقوم بالاعمال الصبيانية ديه و كمان انا مصممة مواقع انترنت و ديزاين و مشغولة دلوقتي بأرفع ملف حجمه 2جيجا دلوقتي عن اذنك بقى .

كوتا:-- انا ياباشا مش برد اساساً على المواضيع تقولي انشطها كلها وكمان باكونت جديد هههههههههههه اما صحيح حاجة عجيبة وبعدين انا على طول راشقة فى المطبخ مبخرجش منه غير الفجرية قال انشطها قال ههههههههه ...

ميما :-- انا انشط ؟؟؟؟؟؟؟!!! انتى بتشتمينى ولا اية
وبعدين انا لسة فاتحة دلوقتى ومعنديش اى اكونت تانى غير دة ولقيت القسم متنشط لوحدة مش محتاج ولما تبقى تعرف العضوة اللى عملت العملة دى ابقى قولى عليها

انا عرفت مين العضوةالى عملت كدة لو انتوا كمان عرفتوا

اتصلوا بنفس الرقم بتاع المرة اللى فاتت وعشان متهوش الرقم اهو

زيرو اربع اصفار صفرين

و ابقوا قابلوني الحلقة الجاية ....

مع تحيات المفتش
كرومبووووووووو

يتبع

(بعد اذنكوا يا جماعه انا مش عايزة حد يزعل لو حطيت اسمه فى الحلقه
و لو حد هيزعل يقولى )

هههههههههههه
شكرا ليكى يا انجل على اللعبة الجامدة دى
بس انا مش هحل علشان انا من المشتبة فيهم

انا بأقول انها كوتا

المشتبه فيها عاشقه تقريبا لانها هيا اللي بتفهم في النت كويس اوووي زي مابتقول واسمحيلي اقولك ان اللعبه دي حلوه اووووووووووي وانتي شكلك حد زكي اووووووووي

اهلا بيكم فى الحلقه التالته و قبل ما نبتدى الحلقه هنقول اسم الفايز معاناااا
الفائز هو
.
.
.
كاتوووو يوكاااااااااااااااااااااااا
مبروك يا كاتو كسبتى معانا ربع جنيه فضه مخرووووووم

يا ترى هاتعملى ايه بالجايزة هنشوف بعدين ان شاء الله
ده طبعا لو مكانش جالها صدمه عصبيه من الفرحه
يلا نبتدى الحلقه
=======
كرومبو كرومبو مع المفتش كرومبو

نور القمر عملت عزومة كدة صغيرة وكانت عاملة فى الاكل حاجة طعمها غريب اسمها ( شنكورة )

وعزمت 3 اعضاء معتز و ميمو وكان معاهم محمد
المهم : نور القمر عملت الاكل وجهزت كل حاجة بس نسيت تجيب حاجة من المطبخ فاراحت
ولما رجعت لقيت الطبق اللى فية الشنكورة فاضى فاندهشت اوى
فا اتصلت بيا وقالتى الحقنى يا كرومبو(هه انا طبعا) الشنكورة اتسرقت
فا انا طبعا ركبت البسكلتة المرسيدس بتاعتى وجيت طيران
وسالت التلت اعضاء فقالوا
معتز : اولا انا مكنتش قاعد معاهم ساعت ما نور جابت الاكل ثانيا انا اساسا مكنتش عايز اجى وفى الاخر تتهمونا فى سرقة شنكورة.... آل شنكورة آل
ميمو : اية دة انتوا بتقولوا اية انا اسرق شنكورة وبعدين دة انا كنت بحضر الاكل مع نور
فى المطبخ مستحيل طبعا اعمل حاجة زى دى
محمد: ايمبوسيبول طبعا دة حتى نور عزمانى اقوم اكل حاجة طعمها غريب من وراها
ايمبوسيبول طبعا

نور معرفتش مين اللى عمل كدة
بس انا عرفت
لو انتوا كمان عرفتوا مين اللى اكل الشنكورة
كلمونى على
زيرو اربع اصفار صفرين
سعر الدقيقة جنية وربع
وابقوا قابلونى فى الحلقة الجاية
مع تحيات المفتش
كرومبو

انا الى اكلتها انا اش عرفنى الى طعمها غريب

صح فعلا محمد بس لعبه جنان يا انجل وانتى فعلا زكيه اوى

المفروض يا محمد متردش علشان انت اسمك من الموجودين
فى الحلقة سيبب حد تانى يرد انا لما كان اسمى فى الحلقة مرديتش
وبعدين مش كفاية انك كلت الشانكورةهههههههههههه اة ياعم مين قدك
على العموم محمد اللى كلها

طب هات حته يا محمد ولا انت كلتها كلها 006

اكيد كلها كلها وعرف طعمها واحنا لالالالالا

اهلا و اهلا تانى فى الحلقه ال.. مش عارفه الكاااام
قبل ما نبدا احب اقول اسم الفائز
الفائز هو
.
.
.
محمـــــــــــــــــــــــــــــــــــــــــد
مبروووووووووووووووووووووك يا محمد كسبت معانا نفس الربع جنيه المخرووووووووووووووووووم
و طبعا هتاخده من كاتو احنا مش هنجيب واحد تانى
و يا ترى جتلك صدمه ولا
نتقابل ان شاء الله فى مستشفى العباااااسيه
==========================
كرومبو كرومبو مع المفتش كرومبوووو

النهاردة حصلت حاجة مش لظيظة خالص

حصلت جريمة قتل للرقاصة ظيظى فى شهر 2 / 2009 و هى لابسه قميص النوم وطبعا هى مش معانا ف المنتدى

وكان ف تلاتة متهمين فى قتلها وكانو جيرانها ف العمارة وال3 مكنوش بيحبوها
والمتهمين معانا فى المنتدى للاسف
1:احمد ايهاب : وده عنده سايبر
2:كاتو يوكا: وبتقول انو عندها قطرين على السكة الحديد
3:ميمو: وده مقضيها نت ومنتديات

ولما جه المفتش كورومبو (انااا) علشان يحقق ف الجريمة سأل التلاتة نفس السؤال

اسمك ايه وكنت فين يوم 3/2 الساعة 8 مساءاً

- رد الاول

وقال:
احمد ايهاب: انا عديت على مراتى ف الاتيليه بتاعها ورحنا السينما وخرجنا بعد الفيلم من 7 مساءاً الي الساعة 11 مساءاً
و بعدين ايه ظيظى دى

- سأل الثانية نفس السؤال وقالت:

انا كاتو يوكا وكنت في رحلة مع اصحابي لاسكندرية علشان عيد ميلاد واحده منهم وكانت معايا القمر اللى ف الصورة دى و دي تذكرة السفر بالقطار
ذهاب29/2وعودة 3/3
و بعدين انا اتكسف اشوف واحده بقميص نوم
وفاضل شويه ترتر من عيد الميلاد
وجبت شويه ميه مالحة ف ازازة تاخد بق

- سأل التالت وقال :

- وانا ميمو كنت مشغول فى رفع شويه حصريات لمنتدى العشاق لو مش مصدقنى ادخل وشوف بعنيك لو عاوز اى صورة انا ممكن ارفعهالك

في النهاية عرف المفتش كورومبو شويه معلومات

ان احمد ايهاب طلق يوم 3/3

وان كاتو طلعت موظفة في محطة القطار

وان ميموخرج من المنتدى الساعة 7:59 دقيقة مساءا

وبعد تفكير عميق معرفش مين هو القاتل

و لسه بيشك ف ال
3

ياترى مين اللى قتل الرقاصة ظيظي

1:احمد ايهاب
2:كوتا كيمو
3:ميمو

انا عرفت مين اللى قتل
لو انتو كمان عرفتو مين القاتل
كلمونى على الرقم دة
زيرو اربع اصفار صفرين
وقولولى الدليل اللى نثبت بيه ان القاتل واحد من ال3
وإبقو قابلونى لو كسبتو حاجه ..
واستنونى الحلقة الجايه مع
المفتش كورررررومبو

هى كاتو يوكا اللى قتلتها علشان عرفت انها لابسة قميص نوم
وشكرا عل الحلقة الجامدة دى يا مفتش كرومبو

طبعا كاتو يوكا بس انتى غلطتى غلطة صغيرة كدا انتى قولتى فوق كاتو يوكا وتحت لما عدتيهم قولتى كاتو كيمو وميرسى ليكى حلقة جنان
مشكووووووووووووور

هى فعلا كاتو بس مش عشان الترتر الاحمر لا عشان هى عرفت منين انها لابسة قميص نوم اصلا

انا هتحفظ ع كاتو فى البيت ابقوا تعالو اقبضوا عليها

هههههههههههههههههههههههههههه
ايوة كده يا محمد برافو لازم تتعاون معانا عشان نتخلص من الناس الوحشين
هههههههههههههههههههههههه
قبل ما نبدا الحلقه كالعاده هنقول اسم الفائز و هو
.
.
.
عاااااشقه البحـــــــــــــــــــــــــــــــــــر
مبرووووووووووووووووووووووك
طبعا الهديه معروفه و هى الربع جنيييييييييييييييييه المخروووم
نبـــــــــــــــــــــدا الحلقه
========================

كرومبو كرومبو مع المفتش كرومبو
مسااااااااء الخير عليكم جميعا
انهارده انا معايااااااااااا المساعد الجديد بتاعى انا مش هحل كل القضايا دى لوحدى
و المساعد بتاعى هو سحس بومبــــــه
سحس:هاللو ايفرى بادى انا اسمى بومبه سحس بومه
و الاستاذ كرومبو استعان بيا عشان يستفيد من خبرتى فى ......
خلاص يا سحس انا مش جايبك عشان تاكل عيش على افايا هنا
المهم انهارده مصطفى قمر كان عامل حفله و طبعا الناس كانوا كتييييييييييييير اوى فى الحفله انهارده
و كان فى تلاته واقفين فى الكواليس بره المسرح
و هما :

1-ميمو
2-معتز
3-احمد ايهاب

وسط الحفله و هى شغاله النور اتقطع فجاة و بردو رجع فجاة
و لكن كان ميكروفون مصطفى قمر مش شغااااااااال
بس الغريب ان كان فى صوت وحش اوى بيغنى
و الصوت كان واضح جدا انه موجود فى الحفله و انه كان بيغنى لايف مش تسجيل
و الصوت ده فضل باقى الحفله يغنى و احنا مش عارفين هو مين و طبعا صدعنا بصوته العالى و الوحش

انا و سحس شكينا فى التلاته اللى كانوا فى الكواليس
و لما سالتهم قالوا:

1-ميمو:معلش مش هعرف اتكلم كويس عشان زورى واجعنى بس انا اصلا كنت ساعتها فى الكافيتيريا بشترى عصير برتقااان و معرفتش ايه اللى حصل فى النور بس لقيته رجع بعد كده و مخدتش بالى من الصوت اللى بيغنى

2-معتز:ايه يا برنس عامل ايه واحشنا يا راجل والله بس انا كنت ساعتها فى ... الحمام كان عندى موضوع كده مضايقنى اوى بس خلصته الحمد لله و لما النور قطع عليا ما فرقتش عادى يعنى

3-احمد ايهاب:انا كنت بكلم خطيبتى فى التليفون و كنا بنتخانق مع بعض و اوعى بقى من وشى احسن انت شبهها و بتفكرنى بخلقتها اقولك انا هفسخ الخطوبه دى

سحس معرفش مين اللى قطع النور و غنى بس انا عرفت
لو انت كمان عرفت
قول هو مين فى دول

1-ميمو
2-معتز
3-احمد ايهاب

لو عرفت اتصل بيا على صفرين تلات اصفار زيرو
و ابقى قابلنى لو كسبت حاجه
مع تحيات المفتش كررررررومبووووووو

انا عرفت هو ميموووووووووووو لان زورة وجعوا ومش قادر يتكلم بس انا مش عاوزة الجائزة ربع جنيه مخروم تنفع خمسين قرش مخرومة ههههههههههههههههه بس حلقة جنانا يا انجل انتى رهيبه والا حكايه الحمام دى حلوة وخطيبتوا جميلة

هو ميمو يا انجل اللى قطع النور وغنى علشان زورة كان وجعه
وشكرا ليكى على الحلقة الجميلة دى

اهلا بيكم فى الحلقه مش عارفه رقم كام بردو
و طبعا قبل ما نبتدى الحلقه هنقول اسم الفائز معانا
الفائز هو
.
.
.
نوووووووووووووووووووور
مبروووووك يا نور كسبتى الجايزة الجامده بتاعتنا و هى
ربع جنيه مخروووووووم
مبروك عليكى
=======================
انهارده فى حاجه فظيييييييييييعه حصلت
الدكتوره // عاشقة البحر اتسرقــــــــت
كانت نازله من المختبر بتاعها اللى على ناصية المنتدى و كان
معاها اختراع ميه جديد مكون من اكسجين و نيتروجين و صوديوم
و طبعا محدش يعرف اى حاجه عن الاختراع ده
المهم لما نزلت افتكرت انها نسيت مفتاح عربيتها
فسابت الازازة على العربيه بتاعتها و طلعت تجيب المفاتيح
و اما نزلت ملقتهاااااش
الدكتورة شكت فى 3 اشخاص كانو واقفين
و كانوا:
1-محمد
2-نور القمر
3-كوتا كيمو
و طبعا كلمتنى على طووووول
و لما وصلت سالت كل واحد منهم و قالوا:

1-محمد:انا كنت بكلم ماما فى التليفون اصلها كانت عايزانى اجيبلها بيض و انا راجع من عند صاحبى اللى كنت واقف قدام العمارة بتاعته و بصراحه مشفتش الميه دى خالص

2-نور القمر:انا كنت بدور على الكلب بتاعى اصلى كنت .. هأ .. كنت بفسحه .. هأ .. كنت بفسحه شويه عشان .. هأ .. عشان كان لسه واكل و كان .. هأ .. و كان مضايق شويه
معكش ازازة ميه والنبى عشان الزغطه دى

3-كوتا كيمو:انا كنت لسه نازله من البيت عندنا عشان كنت عايزة اروح لصحبتى اللى ساكنه فى الدور الاول فى العمارة دى و مشفتش الميه دى خالص
هههههههههههههههههه حد يسرق ازازة ميه يا راجل
-------------
الدكتورة معرفتش مين اللى اخدها
بس انا عرفت
لو انت كمان عرفت قولنا مين هو:

1-محمد
2-نور القمر
3-كوتا كيمو

و اتصل على زيرو 3 اصفار صفرين
و ابقى قابلنى لو كسبت حاجه
مع تحيات المفتش كرررومبوووووو

انا طبعا مش هقدر اقول الحل لانى من المشتبه فيهم بس انا عرفت مين اللى سرق وشكرا على الحلقة الجميلة دى يا انجل تحفة اوى

انا بأقول انها نور القمر
و مستنى ربع جنيه المخروم يا انجل

هههههههههههههه طيب قول خمسين قرش مخرومة لازم ربع يعنى تغير بقى